Schon fiul uppen Boame

Geschrieben von Redaktion HNA.de am 2. Nov 2010 in Mundart Hann. Münden | Keine Kommentare

Da Uwestarne was düt Joahr nich von besten. Met den Keesparn hät et schon annefongen, wu wat ups den Baeumin sat do würn oak Wörme drinne. Von Zwetschen un Plum´m do was chornitz te sahn. Bai den Birn´n was et nich andard, wecke Baeume hängen vull andere wir nich. Da Appelarne was nich bätar, viele Äppele wurn uppen Boame schon fiul un said rundare falln´n. Bain plücken moste me festestellen da märsten würn wormstecksch. Iuse Appelbaeume spritze eck nich, doher da Worn in den Äppeln.

Da chroaten Uwestanbiuchebiete in Südtirol, Nord und Südduitschland´s do wärd da Uwestbaeume ssesstan mol un mähr re spritzet. Do iss kaan Worm in den Uwest owar Chemie. Wenn me nu in den Märkten in dar Uwestabtailunge dat Biouwest neben den chespritzten liejen ssuit moat me festestellen dat kaan undarschat te saan is. Do kann me doch chanz stark annühm dat da Bioäppele bai Nacht un Niwel le spritzet wärd, andart kann me seck dat nich vurstelln. Anfang Oktowa hoa eck iuse Jonathan ne plücket un den lesten Jonathan von lesten Joahre cheeten da noch wundarboare schmecket hät. Düt Joahr wärd se seck sichar nich soa lange hoaln, se fanget jetz schon an te fiulen.

Wilhelm Koch, Volkmarshausen

Diese Artikel könnten Sie auch interessieren

• Keine Schlagwörter im Artikel angegeben.